آسٹریلیا کا خالصتان ریفرنڈم رکوانے سے انکار |
|
منگل 10 جنوری 2023ء | |
تفصیلات کے مطابق آسٹریلیا کے شہر میلبورن میں خالصتان ریفرنڈم سے قبل اندرا گاندھی کے قاتلوں کے تعریفی پوسٹر لگانے پر کشیدگی پھیل گئی۔سکھ برادری نے پندرہ جنوری کو اندرا گاندھی کے قاتلوں ستونت سنگھ اور کیہر سنگھ کی برسی کے حوالے سے کار ریلی نکالنے کا اعلان بھی کردیا دوسری طرف میلبورن میں خالصتان ریفرنڈم کا انعقاد 29 جنوری کو ہوگا۔ اس حوالے سےپلیمٹن گوردوارے کے باہر لگا خالصتان ریفرنڈم کا پوسٹر سوشل میڈیا پر وائرل ہوگیا۔ پوسٹر پر ستونت اور کیہر سنگھ کی تصاویر بھی موجود ہیں جس پر ہندو برادی مین کافی اشتعال پایا جاتا ہے اور نامعلوم افراد نے پوسٹر پر سپرے کرکے اسے خراب کرنے کی کوشش بھی کی ہے ہندو کمیونٹی نے خالصتان ریفرنڈم رکوانے کیلئے حکومت سے رابطہ کیا لیکن آسٹریلوی حکومت نے تمام معاملات کا جائزہ لے کر خالصتان ریفرنڈم رکوانے سے صاف انکار کردیا۔ |