چین کی تائیوان بارڈر کے نزدیک ایک ماہ میں دوسری بار جنگی مشقیں |
|
پیر 09 جنوری 2023ء | |
بین الاقوامی میڈیا کے مطابق پیپلز لبریشن آرمی کی ایسٹرن کمانڈ کے بیان کے مطابق چینی افواج نے تائیوان کے ارد گرد سمندر اور فضائی حدود میں مشترکہ جنگی مشقوں کا اہتمام کیا۔ کمانڈ کے ترجمان سینیئر کرنل شی یی کہتے ہیں مشقوں کا مقصد مشترکہ جنگی صلاحیتوں کی جانچ کرنے سمیت بیرونی قوتوں بالخصوص تائیوان کی آزادی کی علیحدگی پسند قوتوں کی اشتعال انگیز کارروائیوں کا پوری طرح سے مقابلہ کرنا ہے، تائیوان نے مشقوں کی شدید الفاظ میں مذمت کرتے ہوئے کہا ہے کہ چین بے بنیاد الزامات لگا رہا ہے، تائیوان نہ تو تنازعات کو بڑھائے گا اور نہ ہی تنازعات کو ہوا دے گا صرف اپنی خودمختاری اور سلامتی کا مضبوطی سے دفاع کرے گا۔ دوسری طرف تائیوان کے وزیر دفاع نے دعویٰ کیا ہے کہ گزشتہ چوبیس گھنٹوں کے دوران جزیرے کے ارد گرد ستاون چینی فوجی طیاروں اور بحریہ کے چار جہازوں کا پتہ لگایا گیا ہے |