افغان طالبان نے زیر حراست دو امریکی قیدی رہا کر دیئے،امریکہ کا خیر مقدم |
|
بدھ 21 دسمبر 2022ء | |
بین الاقوامی میڈیا کے مطابق افغان طالبان نے زیر حراست دو امریکی شہریوں کو رہا کردیا جس کا امریکہ نے خیر مقدم کیا ہے۔ امریکی محکمہ خارجہ کے ترجمان نیڈ پرائس نے طالبان کی جانب سے امریکی شہریوں کی رہائی کا خیر مقدم کیا ،نیڈ پرائس نے کہا رہائی دو طرف سے کسی بھی قسم کے قیدیوں کے تبادلے پر عمل میں نہیں آئی اور نہ ہی اس میں کوئی تاوان کا لین دین ہوا۔ امریکی میڈیا کے مطابق نیڈ پرائس نے کہا کہ وہ رہائی پانے والے امریکیوں کی تفصیلات جاری نہیں کرسکتے البتہ وہ بہت جلد اپنے پیاروں کے پاس ہونگے۔ ترجمان امریکی محکمہ خارجہ کا کہنا تھا طالبان کے پاس کتنے امریکی شہری قید ہیں اس حوالے سے ابھی کوئی تفصیلات جاری نہیں کی گئیں |