حوثیوں کا امریکی اور برطانوی اہداف کے خلاف کارروائیاں جاری رکھنے کا اعلان

حوثی فورسز نے مزید امریکی اور برطانوی اہداف کو نشانہ بنانے کا اعلان کردیا یمن کے حوثی ترجمان کے مطابق فلسطینی عوام پر اسرائیلی جارحیت اور امریکا و برطانیہ کے حملوں کے جواب میں بحیرۂ احمر میں دو فوجی آپریشن کیے ہیں، ایک آپریشن میں امریکی اور دوسرے آپریشن میں برطانوی جہاز کو نشانہ بنایا۔ ترجمان کے مطابق دونوں جہازوں کو میزائلوں سے نشانہ بنایا گیا ہے،جس سے ہونے والے نقصان کی ابتدائی طور پر تفصیلات معلوم نہیں ہوسکی حوثی ترجمان کا کہنا ہے کہ جب تک اسرائیل غزہ پر حملے بند نہیں کرتا اور خطے میں امن قائم نہیں ہوتا،امریکی اور برطانوی فورسز کے خلاف کارروائیاں جاری رہیں گی