ایران نے امریکا کے خلاف فیفا کو شکایت درج کرادی،سخت کارروائی کا مطالبہ |
|
پیر 28 نومبر 2022ء | |
ایران کے جھنڈے میں اللہ کا نام ہٹانے پر فیفا ورلڈ کپ میں تنازع، ایران نے امریکا کیخلاف فیفا میں شکایت درج کرادی۔ فیفا ورلڈ کپ 2022 میں 29 نومبر کو امریکا اور ایران کے درمیان میچ کھیلا جائے گا، جس کیلئے امریکی ٹیم نے سوشل میڈیا پر اس مقابلے کے بارے میں پوسٹس شئیر کیں، جن میں، ایران کے جھنڈے میں سے اللہ کا لفظ ہی موجود نہیں تھا۔ امریکی ٹیم نے یہ پوسٹ آفیشل انسٹا گرام پر شیئر کی تھی بین الاقوامی میڈیا کا کہنا ہےکہ امریکی ٹیم کی جانب سے موقف دیا ہے کہ ایران کے سرکاری پرچم کو اس لیے استعمال نہ کرنے کا فیصلہ کیا کیونکہ وہ ایران میں بنیادی انسانی حقوق کی جنگ لڑنے والی خواتین سے اظہار یکجہتی کرنا چاہتے تھے جو ملک میں حکومت مخالف مظاہروں کا حصہ ہیں۔ ایرانی فٹبال فیڈریشن نے امریکیوں کی جانب سے کئے گئے اقدام پر سخت ردعمل کا اظہار کرتے ہوئے فیفا میں باقاعدہ امریکہ کے خلاف شکایت درج کرائی ہے،اور موقف اختیار کیا ہے کہ امریکیوں کی جانب سے غیر پیشہ ورانہ حرکت کا مظاہرہ کیا گیا ہے اور فیفا سے امریکی فٹبال فیڈریشن اور کھلاڑیون کے خلاف سخت کارروائی کا مطالبہ کیا ہے |