بھارت کے سابق نیوی اہلکاروں کی سزا کا معاملہ،قطر کی عدالت نے بھارتی اپیل منظور کرلی،بھارتی میڈیا کا دعویٰ |
|
هفته 25 نومبر 2023ء | |
قطر نے سابق نیوی اہلکاروں کی سزائے موت کے خلاف بھارتی اپیل منظور کرلی۔ بھارتی میڈیا نے دعویٰ کیا ہے کہ قطر کی عدالت نے بھارتی حکومت کی جانب سے نیوی کے 8 سابق اہلکاروں کی سزائے موت کے خلاف کی جانے والی اپیل کو منظور کرلیا ہے۔ بھارتی میڈیا کا کہنا ہے کہ قطر کی عدالت نے بھارتی حکومت کی اپیل کا جائزہ لے رہی ہے اور اس پر سماعت آئندہ ہفتے متوقع ہے۔ یاد رہے کہ قطر کی عدالت نے گزشتہ ماہ 26 اکتوبر کو نیوی کے 8 سابق اہلکاروں کو سزائے موت سنائی تھی جس پر بھارتی وزارت خارجہ نے کسی قسم کا سخت بیان جاری نہیں کیا تھا اوروزارت خارجہ کے حکام نے موقف اختیار کیا تھا کہ حکومت اس حوالے سے سفارتی چینل استعمال کرتے ہوئے قانونی راستہ اختیار کرے گی۔ میڈیا رپورٹس کے مطابق قطر نے گزشتہ سال اگست میں بھارتی نیوی کے 8 سابق اہلکاروں کو اسرائیل کے لیے جاسوسی کے الزام میں گرفتار کیا تھا، یہ تمام افراد ایک نجی کمپنی میں ملازم تھے جنہیں قطر کی انٹیلی جنس نے دوحہ سے گرفتار کیا تھا، قطری حکام کی جانب سے ان تمام افراد کی ضمانت کی درخواستیں مسترد کی گئی تھیں اور عدالت نے انہیں سزائے موت کا حکم دیا تھا |