مشرقی چین میں زلزلہ ،اکیس افراد زخمی،متعدد عمارتوں کو نقصان پہنچا

مشرقی چین میں زلزلے سے متعدد عمارتوں کو نقصان پہنچا ،21 افراد زخمی ہو گئے۔ بین الاقوامی میڈیا رپورٹس کے مطابق امریکی زلزلہ پیمامرکز نے مشرقی چین میں آنے والے زلزلے کی شدت 5.4 ریکارڈ کی۔ رپورٹس کے مطابق زلزلہ چین کے شہر ڈیزہو کےجنوب میں 10 کلو میٹر گہرائی میں آیا تاہم زلزلے کے جھٹکے بیجنگ اورشنگھائی میں بھی محسوس کیے گئے۔ رپورٹس کے مطابق زلزلے سے کئی عمارتوں کو نقصان پہنچا اور مختلف حادثات میں 21 افراد زخمی ہوگئے۔