ڈونلڈ ٹرمپ خاتون سے جنسی بدسلوکی میں ملوث،پچاس لاکھ ڈالر ہرجانہ ادا کرنے کا حکم |
|
بدھ 10 مئی 2023ء | |
میڈیا رپورٹس کے مطابق جین کیرول نے نیویارک میں جیوری کے سامنے پیش ہوکر بیان دیا تھا کہ ڈونلڈ ٹرمپ نے ڈپارٹمنٹل اسٹور کے ڈریسنگ روم میں ستائیس سال قبل انہیں زیادتی کا نشانہ بنایا تھا اور جب انہوں نے حقیقت لوگوں کو بتائی تو ٹرمپ نے جھوٹ بول کر ان کی زندگی تباہ کر ڈالی۔ غیر ملکی میڈیا رپورٹس کے مطابق نیویار ک کی جیوری نے ڈونلڈ ٹرمپ کو جین کیرول سے جنسی بدسلوکی میں ملوث قرار دیتے ہوئے اس نتیجے پر پہنچی ہے کہ سابق صدر نے جین کیرول کی شہرت کو بھی نقصان پہنچایا، تاہم واضح کیا گیا ہے کہ ٹرمپ نے جنسی زیادتی نہیں کی تھی, جیوری نے حکم دیا کہ سابق صدر ٹرمپ جین کیرول کو50 لاکھ ڈالر ہرجانہ دیں۔ فیصلے کے حوالے سے ردعمل دیتے ہوئے سابق امریکی صدر ڈونلڈ ٹرمپ نے کہا کہ وہ یہ جانتے تک نہیں ہیں کہ یہ خاتون ہے کون؟ میڈیا رپورٹس کے مطابق سول مقدمہ ہونے کی وجہ سے سابق صدر پر نہ تو فرد جرم عائد کی گئی ہے اور نہ ہی انہیں قید کا سامنا ہوگا۔ یاد رہے کہ کیرول ہی نہیں بلکہ ایک درجن سے زائد خواتین سابق امریکی صدر پر جنسی زیادتی میں ملوث ہونے کاالزام لگا چکی ہیں۔ |