سوڈان میں جنگ بندی کےلئے سعودی وزیر خارجہ متحرک،متحارب گروپوں کے سربراہان سے رابطہ

میڈیا رپورٹس کے مطابق سوڈان میں جنگ بندی اور قیام امن کےلئے سعودی وزیر خارجہ نے دونوں متحارب گروپوں سے کشیدگی ختم کرنے کا مطالبہ کیا ہے۔ رپورٹس کے مطابق سوڈان میں جھڑپوں میں نوے سے زائد شہری ہلاک اور سینکڑوں زخمی ہوئے ہیں، عرب لیگ اورچین کی جانب سے سوڈان کی صورتحال پر شدید تشویش کا اظہار کیا گیا ہے سوڈان کی حالیہ صورتحال اور جنگ کے باعث قطر کی فضائی کمپنی نے سوڈان کے لیے اپنا فلائٹ آپریشن بند کردیا۔ واضح رہے کہ دوہزار اکیس میں فوجی بغاوت کے بعد اقتدار پر قبضہ کرنے والی سوڈانی فوج کے خلاف پیرا ملٹری فورس نے بغاوت کی یےاورخرطوم میں اقتدار کے لیے دو سال سے آرمی اور پیراملٹری فورس کے درمیان رسا کشی جاری ہے جس میں گزشتہ چند دنوں کے دوران شدت آگئی ہے۔