چینی جاسوس غبارہ امریکی فوجی تنصیبات کہ خفیہ معلومات اکھٹی کرنے میں کامیاب ہوا،امریکی میڈیا کا دعویٰ |
|
منگل 04 اپریل 2023ء | |
امریکی میڈیا رپورٹ کے مطابق فروری میں امریکی فضائی حدود میں اُڑنے والے چین کے جاسوس غبارے نے امریکی فوجی تنصیبات کی خفیہ معلومات چین بھیجیں۔ رپورٹ کے مطابق بائیڈن انتظامیہ کی کوششوں کے باوجود چینی غبارہ خفیہ معلومات حاصل کرنے میں کامیاب رہا۔چینی غبارے نے کئی فوجی مقامات سے خفیہ معلومات رئیل ٹائم میں بیجنگ بھجوائیں، چینی غبارے نے زیادہ تر ہتھیاروں کے نظام سے نکلنے والے الیکٹرانک سگنلز اور فوجی اڈوں کے اہلکاروں کے رابطوں سے خفیہ معلومات اکھٹی کیں واضح رہےکہ فروری میں چینی جاسوس غبارہ امریکا اور کینیڈاکی فضائی حدود میں ایک ہفتے تک پرواز کرتا رہا بعدازاں امریکی صدر جو بائیڈن کے حکم پر امریکی فوج نے چینی غبارے کو ساحلی علاقے میں مار گرایا تھا۔ |