ممتاز کشمیری حریت رہنماء جلیل احمد اندرابی کی شہادت کے ستائیس سال مکمل |
|
پیر 27 مارچ 2023ء | |
جموں وکشمیر لبریشن فرنٹ سے تعلق رکھنے والے جلیل احمد اندرابی انسانی حقوق اور تحریک آزادی کے علمبردار تھے، آٹھ مارچ انیس سو چھیانوے کو راشٹریا رائفلز کے میجر اوتار سنگھ نے جلیل احمد اندرابی کو تفتیش کے بہانے جیل میں بند کر دیااور بہیمانہ تشدد کے بعد جلیل احمد اندرابی کی لاش دریا میں پھینک دی، 27 مارچ انیس سو چھیانوے کوجلیل احمد اندرابی کی بوری بند لاش قتل کے دو ہفتے بعد سرینگر کے علاقے کرسو راجباغ کے قریب دریائے جہلم سے ملی تھی، پوسٹ مارٹم رپورٹ میں بدترین تشدد کی بھی تصدیق ہوئی تھی، میڈیا میں شور وغل اٹھنے کے بعد میجر اوتار سنگھ کو سزا دینے کی بجائے بھارت نے امریکہ فرار کروا دیا،جلیل احمد اندرابی کا ماورائے عدالت قتل نام نہاد بھارتی جمہوریت کے منہ پر طمانچہ ہے،مجرموں کا کیفر کردار تک نہ پہنچنابھارت کی مقبوضہ کشمیر میں انسانی حقوق کی خلاف ورزیوں کی ریاستی سرپرستی کا ثبوت ہے،جلیل احمد اندرابی کو عالمی سطح پر شہید انصاف کا لقب بھی دیا جا چکا ہے،، |