ترکیہ اور شام میں زلزلے سے جاں بحق افراد کی تعداد اٹھائیس ہزار سے تجاوز کر گئی

تفصیلات کے مطابق ترک وزارت انصاف کے حکام کا کہنا ہے کہ گرفتار اڑتالیس افراد پر زلزلہ متاثرین سے لوٹ مار اور فراڈ کرنے کا الزام ہے۔ دوسری جانب ترک وزارت انصاف کے مطابق ناقص تعمیرات میں ملوث افراد کے وارنٹ گرفتاری بھی جاری کر دیے گئے ہیں۔ واضح رہے کہ ترکیہ میں زلزلے سے اموات کی تعداد ٹھائیس ہزار سے تجاوز کرگئی ہے، زلزلے سے ترکیہ میں چھ ہزار عمارتیں تباہ ہوئی ہیں، جس کے بعد عمارتوں کی ناقص تعمیرات پر حکومت کو شدید تنقید کا سامنا ہے۔ زلزلے کے بعد متاثرہ علاقوں میں امدادی کارروائیاں جاری ہیں، ریسکیو ورکرز نے ریسکیو آپریشن کے دوران زلزلے کے چھٹے روز ملبے سے شیرخوار کا بچہ نکال لیا جب کہ سترسال کی خاتون اور چھ ماہ کی حاملہ خاتون کو بھی بچا لیا گیا ترکیہ میں چوبیس ہزارچھ سو سترہ اور شام میں تین ہزار پانچ سو چوہتر افراد جان سے جاچکے ہیں۔ عالمی ادراہ صحت کا کہنا ہے کہ دونوں ملکوں میں زلزلے سےدو کروڑ ساٹھ لاکھ افراد متاثر ہوئے جب کہ انہوں نے متاثرین کےلیے چارکروڑ اٹھائیس لاکھ ڈالر کی فوری امدادکی اپیل بھی کی ہے۔