فواد چوہدری دو روزہ جسمانی ریمانڈ پر پولیس کے حوالے

فواد چوہدری کے ریمانڈ کے حوالے سے محفوظ فیصلہ سناتے ہوئے جوڈیشل مجسٹریٹ نے پولیس کو حکم دیا کہ وہ پیر کو فواد چوہدری کو دوبارہ عدالت میں پیش کریں۔ قبل ازیں الیکشن کمیشن کو دھمکیاں دینے کے کیس میں پولیس نے فواد چوہدری کا جسمانی ریمانڈ مسترد ہونے کا فیصلہ چیلنج کیا،پولیس نے فیصلے کے خلاف سیشن جج کے سامنے اپیل دائر کرتے ہوئے استدعا کی تھی کہ جوڈیشل مجسٹریٹ وقاص احمد راجہ کا فیصلہ کالعدم قرار دیکر فواد چوہدری کا مزید جسمانی ریمانڈ دیا جائے۔ سماعت کے دوران پراسیکیوٹر نے نے عدالت کو آگاہ کیا کہ ہم نے فوٹو گرائیمٹری ٹیسٹ اور ریکوری کرنی ہے عملی طور پر ہمیں ایک دن کا ریمانڈ ملا جس میں تفتیش مکمل نہیں ہوسکی۔ عدالت نے پولیس کی درخواست منظور کرتے ہوئے فواد چوہدری کو جسمانی ریمانڈ کے لیے دوبارہ مجسٹریٹ کے سامنے پیش کرنے کا حکم دیا۔ جس پر فواد چوہدری کو مجسٹریٹ کے روبرو پیش کیا گیا۔ ڈسٹرکٹ اینڈ سیشن کورٹ نے فواد چوہدری کا جسمانی ریمانڈ نہ دینے اور جوڈیشل ریمانڈ منظور کرنے کا جوڈیشل مجسٹریٹ کا فیصلہ کالعدم قرار دے دیا۔ سیشن جج نے کہا کہ مجسٹریٹ کا ریمانڈ نہ دینے کا فیصلہ قانونی طور پر درست نہیں