فلم پٹھان کی ریلیز،بھارتی گجرات میں سینما مالکان نے حکومت سے سیکیورٹی مانگ لی |
|
جمعرات 19 جنوری 2023ء | |
بھارتی میڈیا کے مطابق ریاست گجرات میں شاہ رخ خان کی فلم پٹھان کی ریلیز کے موقع پر سنیما مالکان ہندو انتہا پسندوں کی دھمکیوں کے باعث شدید خوف و ہراس کا شکار ہیں اور ریاست سے سیکیورٹی مانگ رہے ہیں۔ بھارتی میڈیا کے مطابق سنیما مالکان کی تنظیم کے وفد نے ریاستی وزیر برائے داخلہ ہرش سنگھوی سے ملاقات کی جس میں مالکان نے سنیماؤں کو تحفظ فراہم کرنے کےلئے سیکیورٹی کی فراہمی کا مطالبہ کیا میڈیا کے مطابق مالکان کے تحفظات پر وزیر داخلہ نے یقین دہانی کرائی ہےکہ وہ فلم پٹھان کی ریلیز کے موقع پر ملنے والی دھمکیوں سے سنیما گھروں کا تحفظ یقینی بنائیں گے۔ واضح رہے کہ ہندو انتہا پسندوں کی جانب سے شارہ خ خان کی فلم پٹھان کو ہندو انتہا پسندوں کی جانب سے شدید مخالفت کا سامنا ہے جب کہ بعض شہروں میں انتہا پسندوں نے سنیما گھروں میں بھی توڑ پھوڑ کی ہے۔ فلم پٹھان کے حوالے سے تنازع اسوقت شروع ہوا تھا جب فلم کا گانا بے شرم رنگ ریلیز ہوا تھا جس میں دپیکا پڈکون کے زعفرانی اور شاہ رخ کے ہرے لباس پر انتہا پسند ہندووں نے اعتراج کرتے ہوئے مناظر تبدیل کرنے کا مطالبہ کیا تھا |