ابھی انتخابات ہوتے نظر نہیں آرہے،عمران خان |
|
بدھ 28 دسمبر 2022ء | |
سابق وزیر اعظم عمران خان کہتے ہیں اسوقت اسٹیبلشمنٹ سے کوئی رابطہ نہیں ہے،انتخابات ہوتے ابھی نظر نہیں آرہے،آئندہ عام انتخابات میں پولیٹیکل انجینیئرنگ کی گئی تو نتائج اچھے نہیں ہوں گے، مشرقی پاکستان میں سب سے بڑی جماعت کا مینڈیٹ تسلیم نہیں کیا گیا تھا۔ لاہور میں صحافیوں سے ملاقات کے دوران سابق وزیر اعظم عمران خان کا کہنا تھا کہ ابھی مجھے الیکشن ہوتے نظر نہیں آرہے، پی ڈی ایم صرف ڈرائنگ روم کی جماعت بن چکی ہے، جنرل (ر) باجوہ نے اس ملک پر بڑا ظلم کیا، ان کےنزدیک سیاست دانوں کی کرپشن بے معنی تھی،ہم ڈیفالٹ کے قریب کھڑے ہیں، جنرل (ر) باجوہ سے ہماری حکومت کے اچھے تعلقات رہے۔ سابق وزیراعظم کا کہنا تھا کہ نیب قوانین میں ترمیم کرکے 11سو ارب روپےکی کرپشن کےکیسز ختم کیےگئے، ان کا کہنا تھا کہ ہماری حکومت میں 5 فیصد ڈیفالٹ کا خطرہ تھا جو اب 90 فیصد ہو چکا ہے،ملک پر قبضہ گروپ کا راج اور جنگل کا قانون ہے، قانون کی حکمرانی قائم کیے بغیر پاکستان کے مسائل حل نہیں ہو سکتے۔ |