ڈاکٹر شہباز گل ہسپتال سے غائب،فائل بھی لے گئے

شہباز گل ہسپتال سے غائب ،جاتے ہوئے کمرے میں موجود علاج کی فائل بھی لے گئے،سروسز ہاسپٹل لاہور کے میڈیکل یونٹ ٹو کی ٹیم نے ایم ایس کو خط لکھ کر آگاہ کر دیا سروسز ہسپتال میڈیکل یونٹ ٹو کی ٹیم کی طرف سے میڈیکل سپرنٹینڈنٹ کو لکھے گئے خط میں موقف اختیار کیا گیا ہے کہ میڈیکل یونٹ ٹو کے ڈاکٹر وی وی آئی پی روم میں ڈاکٹر شہباز گل کے معائنے کےلئے گئے تھے تاہم نہ تو ڈاکٹر شہباز گل کمرے میں موجود تھے اور نہ ہی انکی فائل خط کے متن میں کہا گیا ہے کہ ڈاکٹر شہباز گل کی علاج کی فائل بھی نہیں ملی اور ڈاکٹر شہباز گل کے ہسپتال سے جانے کے حوالے سے بھی متعلقہ میڈیکل ٹیم کو آگاہ نہیں کیا گیا خط میں میڈیکل سپرنٹینڈنٹ سے درخواست کی گئی ہے کہ ہسپتال سے غیر حاضری کو ریکارڈ پر لایا جائے