پلاسٹک شاپروں میں ایل پی جی کی فروخت،اوگرا ان ایکشن،پشاور میں غیر قانونی فروخت کرنے والوں کےخلاف کارروائیاں

پلاسٹک شاپرز میں گیس فروخت کرنے والے دکانداروں خلاف اوگرا انفورسمنٹ ٹیم کی کارروائی اوگرا کی انفورسمنٹ ٹیم نے پشاور کے گرد و نواح میں ایل پی جی گیس کی غیر قانونی فروخت پر دکانداروں کے خلاف کارروائی کی۔ اوگرا کی ٹیم نے ضلعی انتظامیہ کے ہمراہ پشاور کے مختلف حصوں بشمول رتی بازار، اشرف روڈ اور خیبر بازار کا دورہ کیا اور پلاسٹک کے تھیلوں میں ایل پی جی کو بھرنے اور فروخت کرنے کی اطلاع پر کارروائی کرکے فوری ایکشن لیا گیا۔ پلاسٹک کے تھیلوں میں ایل پی جی گیس بھرنے اور فروخت کرنے کی یہ سرگرمی عوامی تحفظ کے نقطہ نظر سے انتہائی خطرناک ہے۔ اوگرا کی بروقت کارروائی کی بدولت اس طرح کی غیر قانونی اور غیر محفوظ سرگرمیوں کو روک دیا گیا ہے۔ ترجمان اوگرا