شہباز شریف کی سیاست چلے گی نواز شریف کی نہیں،شیخ رشید

عوامی مسلم لیگ کے سربراہ، سابق وزیرِ داخلہ شیخ رشید دوبارہ ان ایکشن،بولے بہت پہلے کہا تھا کہ شہباز شریف کی سیاست چلے گی نواز شریف کی نہیں۔ انسدادِ دہشت گردی عدالت راولپنڈی کے باہر میڈیا سے گفتگو کے سابق وفاقی وزیر شیخ رشید احمد کا کہنا تھا کہ 9 مئی کے 3 مقدمات کی 3، 3 نقول ہمیں فراہم کر دی گئی ہیں۔ہمارے خلاف 9 مئی کے 17 کیسز چل رہے ہیں، 11 کیسز انسدادِ دہشت گردی کی عدالت میں ہیں، آئندہ سماعت پر بھی پیش ہوں گے۔ شیخ رشید احمد کا کہنا تھا کہ حکومت جنہوں نے چلانی ہے انہوں نے چلانی ہے، ہماری خاموشی رنگ لائے گی، ہم چاہتے ہیں کہ غریب کا چولہا جلے،پاکستان کو آگے جانا چاہیے، غریب کی حالت بہت خراب ہے، عوامی مسلم لیگ کے سربراہ کا کہنا تھا کہ نواز شریف کی سیاست کی جگہ شہباز شریف نے لے لی ہے،بہت پہلے پیشگوئی کردی تھی کہ ن میں سے ش نکلے گی،اب شہباز شریف کی سیاست چلے گی نواز شریف کی نہیں سابق وفاقی وزیر نے مطالبہ کیا کہ 27 رمضان کو مقتدر حلقے غریب لوگوں کے لیے معافی کا اعلان کریں