صدارتی انتخاب میں حصہ لینا محمود اچکزئی کا حق ہے ،خورشید شاہ

پاکستان پیپلز پارٹی کے سنیئر رہنماء خورشید شاہ کہتے ہیں وزارت عظمیٰ کےلئے شہباز شریف کی حمایت طے شدہ ہے، جبکہ صدارتی انتخاب میں حصہ لینا محمود اچکزئی کا حق ہے پارلیمنٹ ہاؤس میں میڈیا سے گفتگو کے دوران سابق قائد حزب اختلاف خورشید شاہ کا کہنا تھا کہ محمود اچکزئی کےلئے بانی پی ٹی آئی نے جو الفاظ استعمال کئے تھے ہمیں کیا اعتراض ہو سکتا ہے،صدارتی انتخاب میں حصہ لینا محمود اچکزئی کا حق ہے۔ خورشید شاہ نے کہا کہ ہمیں مفاہمت کا راستہ اختیار کرنا چاہیئے پیپلز پارٹی یہی چاہتی ہے،ایک سوال کے جواب میں خورشید شاہ کا کہنا تھا کہ ان شاءاللہ مولانا صدارت کا ووٹ دیں گے پیپلز پارٹی کے رہنماء کا کہنا تھا کہ ہم نے ایم کیو ایم سمیت سب کو مفاہمت کا سلوگن دیا ہےہماری کوشش ہے کہ عزت و احترام کا تختہ قائم رہے