سینیٹ میں نو نشستیں خالی،پیپلز پارٹی نے چیف الیکشن کمشنر کو خط لکھ دیا |
|
جمعرات 29 فروری 2024ء | |
قومی اور صوبائی اسمبلیوں کے انتخابات،آٹھ سینیٹرز بھی کامیاب،سینیٹ میں خالی نشستوں کا معاملہ پاکستان پیپلز پارٹی نے چیف الیکشن کمیشن کے سامنے رکھ دیا پاکستان پیپلز پارٹی کی جانب سے چیف الیکشن کمشنر کو لکھے گئے خط میں موقف اختیار کیا گیا ہے،کہ حالیہ انتخابات میں آٹھ سینیٹرز کی کامیابی کے بعد سینیٹ کی آٹھ نشستیں خالی ہوئی ہیں جبکہ ایک نشست نگران وزیراعظم انوار الحق کاکڑ پہلے ہی چھوڑ چکے ہیں خط میں کہا گیا ہے کہ ایک سو چار کے ایوان میں نو نشستیں خالی ہیں جن پر فوری انتخاب کرانا لازمی ہے تاکہ ایوان مکمل ہو سکے،اسلئے الیکشن کمیشن فوری اقدامات کرے واضح رہے کہ حالیہ انتخابات میں جو آٹھ سینیٹرز کامیاب ہوئے ہیں ان میں یوسف رضا گیلانی،عبدالغفور حیدری،،نثار کھوڑو،جام مہتاب،سرفراز بگٹی،صادق سنجرانی،پرنس عمر اور نزہت صادق شامل ہیں |