اکبر ایس بابر کاپی ٹی آئی انٹرا پارٹی انتخابات کا فیصلہ چیلنج کرنے کا اعلان

پاکستان تحریک انصاف کے بانی رکن اکبر ایس بابر نے پی ٹی آئی انٹرا پارٹی الیکشن کے فیصلےاور شیڈول کو الیکشن کمیشن میں چیلنج کرنے کا اعلان کردیا،پارٹی کی بحالی تک آفس بند اور اکاؤنٹس منجمند کرنے کا مطالبہ بھی کردیا اکبر ایس بابر کی جانب جاری بیان میں کہا گیا ہے کہ پی ٹی آئی کی کالعدم قیادت کا 3 مارچ 2024 کو انٹرا پارٹی الیکشن کے انعقاد کے اعلان قطعاً ںدرسے نہیں پی ٹی آئی کے بانی رہنما اکبر ایس بابر نے اعلان کیا ہے کہ وہ اس فیصلے کو الیکشن کمیشن آف پاکستان میں بہت جلد چیلنج کریں گے۔ اس حوالے سےقانونی مشاورت جاری ہے۔ بانی رہنماء پی ٹی آئی کا کہنا تھا کہ دسمبر 22، 2023 کے الیکشن کمیشن آف پاکستان کے فیصلے کے مطابق جس کی تصدیق سپریم کورٹ آف پاکستان نے 13 جنوری 2024 کو اپنے تاریخی فیصلے کے ذریعے کی تھی، تمام موجودہ پی ٹی آئی قیادت کَالعَدَم ہو چکی ہے۔یہاں تک کہ سپریم کورٹ کے فیصلے میں صفحہ نمبر 14 پر بیرسٹر گوہر خان کو "خود نامزد کردا" پی ٹی آئی کا چیرمین قرار دیا تھا۔ اکبر ایس بابر کا کہنا تھا کہ اس خود ساختہ اور خود نامزد کنندہ کالعدم پی ٹی آئی قیادت کا انٹرا پارٹی الیکشن کے حوالے سے کسی نئی مہم جوئی کا بھر پور قانونی اور سیاسی میدان میں مقابلہ کیا جائے گا۔ بانی رہنماء پی ٹی آئی نے مطالبہ کیا جب تک پی ٹی آئی کی قانونی حیثیت بحال نہیں ہوتی، پی ٹی آئی کی کالعدم قیادت کا پی ٹی آئی وسائل بشمول دفتر اور بینک اکاؤنٹس کا استعمال غیر قانونی ہے جس پر پابندی عائد کی جائے۔