ملک کو امن،یکجہتی،سیاسی اور معاشی استحکام کی ضرورت ہے ،حافظ طاہر اشرفی

چيئرمين پاكستان علما كونسل حافظ طاہر اشرفى نے کہا ہے کہ 76 سال گزر چکے لیکن پاکستان اصل میثاق پر نہیں پہنچ سکا۔ملک کو امن ،یکہجتی اور استحکام کی ضرورت ہے اسلام آباد میں نیوزکانفرنس کرتے ہوئے حافظ طاہر اشرفی کا کہنا تھا کہ پاکستان لا الہ الااللہ کے نام پر قائم ہوا، قائد اعظم سے ملک کا منشور پوچھا تو انہوں نے بتایا کہ ساڑھے 1300 سال پہلے طے ہو چکا ہے۔ حافظ طاہر اشرفی کا کہنا تھاکہ نظام عدل کے قیام کے لیے پاکستان کا قیام ہوا تھا، پاکستان کو اس وقت امن، محبت، یکجہتی سمیت سیاسی اور معاشی استحکام کی ضرورت ہے۔ پاکستان ایک جمہوری ملک ہے، یہاں معاشی اور سیاسی استحکام ہو گا تو خوشحالی آئے گی۔