انتخابات کے حوالے سے سابق کمشنر راولپنڈی کے الزامات بے بنیاد قرار ،ڈی آر اوز کی نئے کمشنر کے ہمراہ نیوز کانفرنس |
|
اتوار 18 فروری 2024ء | |
نئے کمشنر راولپنڈی سیف انور جپہ نے کہا ہے کہ انتخابی عمل میں کمشنر کا کوآرڈینیشن کے علاوہ کوئی تعلق نہیں ، سابق کمشنر کی جانب سے دھاندلی کے الزامات بے بنیاد ہیں کمشنر راولپنڈی سیف انور جپہ نے راولپنڈی، جہلم، اٹک اور چکوال کے ڈی آر اوز کے ہمراہ نیوز کانفرنس کرتے ہوئے کہا کہ بطور کمشنر راولپنڈی کا چارج لیا ہے۔ سیف انور جپہ کا کہنا تھا کہ سابق کمشنر کے الزامات کی تردید کرتے ہوئے الزامات کی انکوائری کا مطالبہ کرتے ہیں۔ اس موقع پر ڈی آر اوز راولپنڈی نے کہا کہ حالیہ انتخابات نہایت شفاف اور درست انداز میں ہوئے، ہم پر کوئی دباؤ نہیں تھا نیوز کانفرنس سے قبل سیف انور جپہ کی زیر صدارت ڈی آر اوز کا ہنگامی اجلاس ہوا جس میں اٹک، جہلم، چکوال، راولپنڈی اور مری کے ڈی آر اوز نے شرکت کی۔اجلاس میں سابق کمشنر لیاقت چٹھہ کے الزامات کے بعد کی صورت حال کا جائزہ لیا گیا۔ |