ریٹرننگ آفیسر این اے 56 کی گاڑی چھیننے کا واقعہ ،ایف آئی آر درج

ریٹرننگ افیسر این اے 56 سید نزارت علی کی اپلائیڈ فار سرکاری گاڑی ڈرائیور سے چھین لی گئی،تھانہ مندرہ پولیس نےڈرائیور محمد کلیم خان کی درخواست پر مقدمہ درج کرلیا گاڑی چھیننے کے حوالے سے درج ایف آئی آر میں موقف اختیار کیا گیا ہے کہ نامعلوم ڈاکو ڈرائیور محمد کلیم خان کو موٹروے پر چھوڑ کر فرار ہو گئے،واقعہ 14فروری کی رات ساڑھے 8بجے تھانہ مندرہ کے علاقہ جی ٹی روڈ پر پیش آیا ایف آئی آر میں مدعی کا کہنا ہے کہ ایڈیشنل کمشنر کوارڈینیشن سید نزارت علی کسی عزیز کو ملنے گیے،انتظار میں جی ٹی روڈ کھڑا تھا،دو نامعلوم مسلح ملزمان آئے اور گاڑی میں بیٹھ گئے،مجھے محبوس کرلیا،شور کرنے پر جان سے مرنے کی دھمکی دی،کافی دیر بعد مجھے موٹروے پر ویرانے میں گاڑی سے اتار دیا گیا، ایف آیی آر میں کہا گیا ہے کہ ٹرک ڈرائیور سے لفٹ لیکر اسلام اباد پشاور موٹروے ٹول پلازہ پہنچا، ایف آئی آر میں استدعا کی گئی ہے کہ گاڑی بر آمد کرنے اور ملزمان کی گرفتاری کو یقینی بنایا جائے