ایک سو نوے ملین پاؤنڈ ریفرنس،چھ اشتہاری ملزمان کے دائمی وارنٹ گرفتاری جاری |
|
پیر 08 جنوری 2024ء | |
ایک سو نوے ملین پاونڈ ریفرنس میں نیب نےاشتہاری چھ ملزمان کے اثاثوں کی تفصیلات عدالت میں جمع کرادیں۔عدالت نے تمام چھ ملزمان کے دائمی وارنٹ گرفتاری جاری کر دیئے۔ ملزمان کےملکیتی اثاثے منجمند کرنے کا بھی حکم دےدیا۔ اڈیالہ جیل میں بانی پی ٹی آئی اور بشریٰ بی بی کیخلاف توشہ خانہ اور ایک سو نوے ملین پاؤنڈز ریفرنسز کی سماعت ہوئی۔ احتساب عدالت کے جج محمد بشیر نے سماعت کی۔ بانی پی ٹی آئی کو عدالت میں پیش کیا گیا۔ جبکہ بشریٰ بی بی طبیعت ناسازی کے باعث پیش نہ ہوئیں۔ عدالت نے ان کی آج کی حاضری معافی کی درخواست منظور کرلی۔ *ایک سو نوے ملین پاونڈ ریفرنس میں بانی پی ٹی آئی کو ریفرنس کی نقول فراہم کردی گئیں۔* بشری بی بی کو غیر حاضری کے باعث نقول فراہم نہ کی جا سکیں۔عدالت نے اشتہاری چھ ملزمان کے دائمی وارنٹ گرفتاری جاری کر دیئے۔ملزمان کےملکیتی اثاثے منجمند کرنے کا بھی حکم دےدیا۔اشتہاری قرار دیئے گئے ملزمان میں ملک ریاض۔علی ریاض ۔فرحت شہزادی ۔شہزاد اکبر۔ذلفی بخاری اور ضیاء المصطفی نسیم شامل ہیں۔ عدالت نے سماعت کل تک ملتوی کردی۔ |