پاک امریکہ مشاورت،رواں ماہ اہم امریکی عہدیدار پاکستان کا دورہ کریں گے،ترجمان دفتر خارجہ |
|
اتوار 03 دسمبر 2023ء | |
ترجمان دفتر خارجہ ممتاز زہرا بلوچ کہتی ہیں پاکستان اور امریکا کے درمیان کئی معاملات پر مشاورت جاری ہے۔امریکی نمائندہ خصوصی برائے افغانستان اگلے ہفتے پاکستان کا دورہ کریں گے اسلام آباد سے جاری بیان میں ترجمان دفتر خارجہ ممتاز زہرا بلوچ کا کہنا تھا کہ پاک امریکہ مشاورتی عمل کو آگے بڑھانے کے لیے دوروں کا تبادلہ بھی ہوتا ہے، آنے والے دنوں میں اہم امریکی عہدیداروں کے پاکستان کے دورے کریں گے ترجمان دفتر خارجہ کا کہنا تھا کہ اسسٹنٹ سیکریٹری برائے آبادی، پناہ گزین و مائیگریشن پاکستان کا دورہ کریں گی، جولیٹا والس نوئیس 4 سے 6 دسمبر تک پاکستان کا دورہ کریں گی۔ ممتاز زہرا بلوچ کے مطابق افغانستان کے لیے نمائندہ خصوصی ٹام ویسٹ 7 تا 9 دسمبر اسلام آباد کا دورہ کریں گے، پرنسپل ڈپٹی اسسٹنٹ سیکریٹری الزبتھ ہورسٹ کا دورہ 9 سے 12 دسمبر تک ہو گا۔ ترجمان دفتر خارجہ کا کہنا تھا کہ یہ دورے امریکا کے ساتھ افغانستان کی صورتِ حال سمیت متعدد مسائل پر جاری مذاکرات کا حصہ ہیں، دورے صرف افغانستان کے ساتھ مسائل تک ہی محدود نہیں ہیں |