نگران وزیراعظم انوار الحق کاکڑ نے افغان رہنماؤں کے دھمکی آمیز بیانات افسوسناک قرار دے دیئے

نگراں وزیرِ اعظم انوار الحق کاکڑ نے افغان رہنماؤں کے دھمکی آمیز بیانات کوافسوس ناک قرار دے دیا میڈیا سے بات چیت کرتے ہوئے نگران وزیراعظم انوار الحق کاکڑ کا کہنا تھا کہ دہشت گرد افغانستان کی سرزمین استعمال کرتے ہیں۔ پاکستان میں ہونے والے دہشتگرد حملوں کی معلومات افغانستان کو فراہم کی گئی، افغانستان کی عبوری حکومت کو ادراک ہونا چاہیے کہ دونوں آزاد اور خودمختار ممالک ہیں۔ انوار الحق کاکڑ کا کہنا تھا کہ افغان ٹرانزٹ ٹریڈ کو جاری رکھیں گے، پاکستان میں بے امنی پھیلانے والوں میں غیر قانونی تارکین وطن ملوث ہیں، دہشت گردوں سے متعلق معلومات افغان عبوری حکومت کے ساتھ شیئر کی گئی ہیں، نگران وزیر اعظم کا کہنا تھا کہ بدقسمتی سے افغانستان میں عبوری حکومت کے قیام کے بعد دہشت گردی میں 60 فیصد اضافہ ہواہے