چیئرمین پی ٹی آئی کو واک میں سہولت دینے کےلئے بیرک کی دیوار توڑنے کا حکم

چیئرمین پی ٹی آئی کو جیل میں باغیچے تک رسائی دینےکےلئے بیرک کی دیوار گرانے کا حکم دے دیا گیا تفصیلات کے مطابق آفیشل سیکریٹ ایکٹ خصوصی عدالت نے چیئرمین پی ٹی آئی کو جیل میں واک کے لیے اضافی جگہ فراہم کرنے کی استدعا منظور کرلی۔ خصوصی عدالت کے جج نے چیئرمین پی ٹی آئی کے بیرک کا دورہ کیا۔ اور بیرک کی دیوار توڑ کر بیرک کو بڑا کرنے کا حکم دیا، جج ابوالحسنات محمد ذوالقرنین نے کہا کہ دیوار ٹوٹنے سے باغیچے تک چیئرمین پی ٹی آئی کی رسائی ہو سکے گی ۔ علاوہ ازیں عدالت نے چیئرمین پی ٹی آئی کی بیرک کی صفائی پر اطمینان کا اظہار کیا۔