الیکشن کمیشن کا جنوری2024 کے آخری ہفتے میں انتخابات کرانے کا اعلان |
|
| جمعرات 21 ستمبر 2023ء | |
الیکشن کمیشن نے عام انتخابات کی تاریخ کاعلان کر دیا،عام انتخابات جنوری کے آخری ہفتے میں کرانے کا اعلان تفصیلات کے مطابق الیکشن کمیشن کا اہم اجلاس چیف الیکشن کمشنر سکندر سلطان راجہ کی زیر صدارت ہوا،اجلاس میں حلقہ بندیوں سے متعلق کام کا جائزہ لیا گیا اجلاس کے بعد جاری اعلامیے میں کہا گیا کہ الیکشن کمیشن حلقہ بندیوں سے متعلقہ ابتدائی فہرست 27 ستمبر کو جاری کردے گا جبکہ حلقہ بندیوں پر اعتراضات کے بعد حتمی فہرست 30 نومبر کو شائع کی جائے گی، الیکشن کمیشن کے مطابق حلقہ بندیوں کا عمل مکمل ہونے کے بعد جنوری 2024 کے آخری ہفتے میں انتخابات کروائے جائیں گے |
