غیر ملکی کرنسی کا غیر قانونی کاروبار،ایف آئی اے نے رواں سال تین ارب روپے کی برآمدگی کی،361 افراد گرفتار |
|
| اتوار 10 ستمبر 2023ء | |
 |
|
ڈالر کی بڑھتی قیمت پر قابو پانے کے لیے ایف آئی اے نے کرنسی ایکسچینج کا غیرقانونی کاروبار کرنے والوں سمیت ہنڈی حوالہ اور ڈالر ذخیرہ کرکے مصنوعی قلت پیدا کرنے والے عناصر کے خلاف کریک ڈاؤن تیز کردیا ذرائع سے حاصل شدہ تفصیلات کے مطابق رواں سال جنوری سے لے کر ابتک ایف آئی اے نے کرنسی کے غیرقانونی کاروبار و ہنڈی حوالہ میں ملوث عناصر کے خلاف کریک ڈاون کے دوران ملک کے مختلف حصوں میں 257 چھاپے مارکر 361 ملزمان کو گرفتار کیا ،ہنڈی حوالہ و کرنسی ایکسچینج کا غیر قانونی کام کرنے والے ملزمان کے خلاف 250 مقدمات کا اندراج کیا گیا ہے، ذرائع کے مطابق ہنڈی حوالہ و کرنسی کا غیر قانونی کاروبار کرنے والے ملزمان کے خلاف 30 انکوائریاں بھی کی گئیں اور الزامات ثابت ہونے پر 26 مزید مقدمات درج ہوئے، کریک ڈاون کے دوران مجموعی طور پر 4 لاکھ 78ہزار 620 امریکن ڈالر برآمد کیے گئے جبکہ چھاپوں کے دوران 177 ملین روپے کی دیگر غیر ملکی کرنسی بھی برآمد کی گئی۔ کریک ڈاؤن میں مجموعی طور پر 3 بلین روپے سے زائد کی غیرملکی کرنسی برآمد ہوئی۔ ۔ |
