آفیشل سیکرٹ ایکٹ آور آرمی ایکٹ کے خلاف چیئرمین پی ٹی آئی نے سپریم کورٹ سے رجوع کر لیا

چیئرمین تحریک انصاف نے آفیشل سیکرٹ ایکٹ اور آرمی ترمیمی قانون کیخلاف سپریم کورٹ سے رجوع کرلیا چیئرمین تحریک انصاف نے سپریم کورٹ میں آئینی درخواست دائر کردی، درخواست میں موقف اختیار کیا گیا ہے کہ آرمی ترمیمی ایکٹ اور آفیشل سیکرٹ ایکٹ پر صدر مملکت نے دستخط نہیں کیے، آرمی ترمیمی ایکٹ اور آفیشل سیکرٹ ایکٹ آرٹیکل 10اے، آرٹیکل 8 اور آرٹیکل 19 کے منافی ہیں، درخواست میں آفیشل سیکرٹ ایکٹ اور آرمی ترمیمی قانون کو کالعدم قرار دینے کی استدعا کی گئی ہے، درخواست میں آئینی درخواست کے فیصلہ تک دونوں قوانین کو معطل کرنے کی استدعا بھی کی گئی ہے،درخواست میں صدر مملکت، سیکرٹری قومی اسمبلی، وزارت قانون اور وزارت داخلہ کو فریق بنایا گیا ہے۔