برطانیہ میں گرمی کی لہر،بیشتر علاقوں میں ایمبر ہیلتھ الرٹ جاری

انگلینڈ میں گرمی کی لہر ،انتظامیہ نے بیشتر حصوں کیلئے ایمبر ہیلتھ الرٹ جاری کردیا۔ برطانوی خبر رساں ادارےکی رپورٹ مطابق انگلینڈ میں ان دنوں گرمی کے باعث برطانیہ میں روزمرہ معمولات زندگی کی مشکلات میں اضافہ ہوا ہے برطانوی حکام کے مطابق انگلینڈ کے کئی علاقوں میں درجہ حرارت 32 ڈگری سینٹی گریڈ تک جا سکتا ہے حکام کے مطابق سوموار کے دن درجہ حرارت 30 ڈگری سینٹی گریڈ ریکارڈ کیا گیا ہے۔ دوسری جانب شدید گرمی کے پیش نظر ہیلتھ سیکیورٹی ایجنسی نے خطرے کا لیول بڑھا دیا جسے ایمبر ہیلتھ الرٹ کا نام دیا گیا ہے اس کا مطلب گرمی کی اس لہر سے ہر عمر کا فرد متاثر ہوسکتاہے،حکام نے خدشہ ظاہر کیا ہےکہ گرمی کے باعث شرح اموات میں اضافہ ہو سکتا ہے واضح رہے کہ سائنسدانوں کا کہنا ہےکہ ماحولیاتی تبدیلیوں کے بغیر موسم کا اس قدر گرم ہونا ممکن نہیں،رواں سال کو گرم ترین سال ہونے کا امکان ظاہر کیا گیا تھا