سیکیورٹی خدشات،چیئرمین پی ٹی آئی کے خلاف سائفر کیس کی سماعت اٹک جیل میں کرنے کا فیصلہ

سکیورٹی خدشات کے باعث چیئرمین پی ٹی آئی کیخلاف سائفر کیس کی سماعت اٹک جیل میں ہی کرنے کا فیصلہ کرلیا گیا ہے۔ آفیشل سیکرٹ ایکٹ عدالت کے جج ابو الحسنات محمد ذوالقرنین کل اٹک جیل میں چیئرمین پی ٹی آئی کیخلاف سائفر کیس کی سماعت کریں گے۔ وزارت قانون و انصاف نے بھی سائفر کیس کی سماعت اٹک جیل میں کرنے کی اجازت دے دی ہے۔ وزارت قانون و انصاف کی جانب سے جاری نوٹیفکیشن کے مطابق وزارت داخلہ کی جانب سے وزارت قانون کو سکیورٹی خدشات سے آگاہ کیا گیا ہے۔ سکیورٹی خدشات کے باعث وزارت قانون کو چیئرمین پی ٹی آئی کیخلاف سائفر کیس کی سماعت اٹک جیل میں کرنے پر کوئی اعتراض نہیں۔