حیات آباد خود کش حملہ،تحقیقات میں اہم پیش رفت،تین سہولت کار گرفتار |
|
جمعه 21 جولائی 2023ء | |
حیات آباد میں ایف سی کی گاڑی پر خودکش دھماکےکی تحقیقات میں اہم پیشرفت،سہولت کاری کے شبے میں 3 مشتبہ افراد کو حراست میں لےلیا گیا ، پولیس ذرائع کے مطابق حراست میں لیے گئے مشتبہ افراد سے تفتیش جاری ہے ،سی سی ٹی وی اور دیگر شواہد کی روشنی کارروائی آگے بڑھائی جارہی ہے پولیس ذرائع کے مطابق خودکش حملہ آور مختلف علاقوں سے ہوتا ہوا حیات آباد پہنچا جس کا ٹارگٹ سکیورٹی فورسز کی گاڑی تھی ذرائع کے مطابق سی ٹی ڈی نے خودکش حملہ آور کا موبائل فون اور سم برآمد کرلی ہے، خود کش حملہ آور کے زیراستعمال موبائل سم کسی اور کےنام پر تھی، سم کے مالک کو حراست میں لے لیا گیا ہے،جس نے پولیس کو بیان دیا کہ مجھ سے موبائل سم گم ہوگئی تھی۔ ذرائع کے مطابق خودکش حملہ آور نے ملک کے مختلف حصوں سے آنے والی کالز پر بات کی۔ ذرائع کا کہنا ہےکہ خودکش حملہ آور سے متعلق تمام تفصیلات پولیس نے نادرا سے بھی حاصل کرلی ہیں |