راولپنڈی میں ڈمپر نے متعدد گاڑیوں کو روند ڈالا،ایک مسافر جاں بحق متعدد زخمی

راولپنڈی میں ڈمبر نے پانچ گاڑیوں کو روند ڈالا، خوفناک حادثہ میں ایک مسافر جاں بحق اور خاتون سمیت چار افراد زخمی ہو گئے۔ دو کی حالت تشویش ناک ہے خوفناک حادثہ جی ٹی روڈ سواں کے قریب پیش آیا، حادثہ کے نتیجے میں 5 گاڑیاں تیز رفتار ڈمپر کی زد میں آ گئی، جس میں ایک شخص جانبحق اور خاتون سمیت 4 زخمی ہو گئے۔ جنہیں ہسپتال منتقل کر دیا گیا۔ ریسکیو حکام کے مطابق حادثہ تیز رفتار ڈمپر کی بریک فیل ہو جانے کے باعث پیش آیا، جانبحق ہونے والے 39 سالہ شخص کی شناخت منیر کے نام سے ہوئی، زخمی ہونے والوں میں رامش، عمر اور مسعود کے نام سے ہوئی، جبکہ دو افراد کی حالت تشویشناک ہے تاہم زخمی خاتون کی تاحال شناخت نہ ہو سکی۔