اوگرا کا ایل پی جی انڈسٹری میں خلاف ورزیوں کے خلاف ایکشن ،شرقپور میں پلانٹ سیل |
|
منگل 20 جون 2023ء | |
آئل اینڈ گیس ریگولیٹری اتھارٹی نے ملک کے مخلف حصوں میں ایل پی جی پلانٹس کو معائنہ کیا اور سلنڈرز میں گیس کی بھرائی سمیت دیگر امور کا جائزہ لیا،معائنے کے دوران ٹیم نے ایک یسے مخصوص ایل پی جی پلانٹ کی نشاندہی کی جو اوگرا کے قواعد و ضوابط اور حفاظتی اقدامات جو عوام کے تحفظ اور محفوظ ہینڈلنگ کو یقینی بنانے کے لیے جاری کیئے گئے تھے ان کو صریحاً نظر انداز کرتے ہوئے غیر معیاری سلنڈروں میں گیس بھرنے میں مصروف تھا ۔ مزید برآں، یہ بھی پتہ چلا کہ پی ایس او سمیت دیگر معروف کمپنیوں کے سلنڈر اس ایل پی جی پلانٹ میں غیر قانونی طور پر بھرے جا رہے تھے، جس سے صارفین کو شدید خطرہ لاحق ہے۔ان خلاف ورزیوں کا پردہ فاش کرتے ہوئے عبدالحمید ایل پی جی پلانٹ شرقپور کو اوگرا کی جانب سے فوری طور پر سیل کر دیا گیا تاکہ مزید غیر قانونی سرگرمیوں کو روک کر عوام کے تحفظ کو یقینی بنایا جا سکے۔ اوگرا نے ان ذمہ داروں کے خلاف سخت ایکشن لیتے ہوئے لائسنس یافتہ پلانٹ کے خلاف قانونی کارروائی شروع کر دی ہے۔ |