غلط فیصلہ ایک کرے یا اکثریت غلط ہی رہے گا,جسٹس قاضی فائز عیسٰی

اسلام آباد میں ایک تقریب سے خطاب کے دوران جسٹس قاضی فائز عیسٰی کا کہنا تھا کہ ازخود نوٹس کی شق مظلوموں کے لیے رکھی گئی ہے کسی کو فائدہ دینے کے لیے نہیں۔ شق کا استعمال انتہائی احتیاط سے کرنا چاہیے۔ جسٹس قاضی فائز عیسٰی کا کہنا تھا کہ نمبرز گیم سے جھوٹ سچ میں بدل نہیں سکتا۔ ازخود نوٹس کا اختیار سپریم کورٹ پاس ہے۔کہیں بھی درج نہیں کہ سنیئر جج یا چیف جسٹس کا اختیار ہے۔ سپریم کورٹ کا مطلب تمام ججز ہیں۔ جسٹس قاضی فائز کا مزید کہنا تھا کہ آج بھی اگر ریفرنڈم کروائیں تو شاید ہی کوئی کہے کہ جسٹس منیر کا فیصلہ درست تھا۔ آئین بہت اہم اور مقدم دستاویز ہے۔ آئین پر بار بار وار کیے گئے لیکن آئین قائم رہا۔ آئین ہمارے لیے ایک ایسا تحفہ ہے جو بار بار نہیں مل سکتا۔ جسٹس قاضی فائز عیسیٰ کا کہنا تھا کہ جنرل پرویز مشرف نے اپنے آپ کو خود آئینی تحفظ دیا۔ ملک کے آئین کے ساتھ عجیب عجیب چیزیں کی گئیں۔تاریخ کتنا سکھائے گی کئی سبق تو مل چکے۔ بڑےوکلاٗ اگر آئین کو سمجھیں تو زیادہ مسائل پیدا نہ ہوں