ممنوعہ فنڈنگ کیس، پی ٹی آئی نے الیکشن کمیشن سے جواب جمع کرانے کےلئے مہلت مانگ لی

چیف الیکشن کمشنر کی سربراہی میں تین رکنی بنچ نے ممنوعہ فنڈنگ کیس کی سماعت کی۔پی ٹی آئی کی جانب سے انور منصور الیکشن کمیشن میں پیش ہوۓ اور موقف اختیار کیا کہ آرڈر کی کاپی کافی تاخیر سے ملی،ہائی کورٹ میں ہم نے درخواست دی ہے اور ہائی کورٹ نے جمعہ کو سماعت مقرر کی ہے۔ چیف الیکشن کمشنر نے کہا کہ "آپ مجھے بتادیتے" اور یہ بتائیں کہ یہ جواب جمع کرانے کیلئے آخری موقع تھا۔اس پرانور منصور نے کہا کہ میں کسی کے ذریعے سے ثبوت حاصل کرتا ہوں اور اگر امریکہ سے ڈیڑھ لاکھ لوگوں نے فنڈنگ کی ہے تو ہر ایک کا ایڈریس نکالنا بہت وقت لیتا ہے،انور منصور نے کہا کہ ان سب ثبوتوں کو ہم نے جمع کرنا ہے،چیف الیکشن کمشنر کا کہنا تھا کہ اس فیصلے کو بہت وقت ہوگیا، انور منصور نے استدعا کی کہ انہیں وقت دیا جائے ۔ چیف الیکشن کمشنر نے کہا کہ ہم آپکو تاریخ دیتے ہیں لیکن یہ نہیں لکھیں گے کہ اپکو ہائیکورٹ جانا ہے،کیس کی سماعت اٹھارہ اپریل تک ملتوی کردی گئی