دھمکیوں،گالم گلوچ کےسامنےسرینڈرنہیں کروں گا,نگران وزیر اعلیٰ پنجاب محسن نقوی

لاہور میں نیوز کانفرنس کے دوران نگران وزیر اعلیٰ پنجاب محسن نقوی کا کیا تھا کہ ہمارے پاس رپورٹ آئی ہے پی ٹی آئی کارکن تشدد سے جاں بحق نہیں ہوا، کالے رنگ کی گاڑی چھ بج کر باون منٹ پر بلال کو سروسز اسپتال چھوڑ کر گئی ہے، کار کے مالک راجہ شکیل نے پی ٹی آئی رہنماوں ڈاکٹر یاسمین راشد اور زبیر نیازی کو حادثے سے متعلق اطلاع دی ۔ نگران وزیر اعلیٰ محسن نقوی کا کہنا تھا کہ گاڑی کا مالک راجہ شکیل اگلے دن یاسمین راشد کے ساتھ زمان پارک گیا، مجھ پر پہلے سازش پھر قتل کا الزام لگایا گیا، حادثے کا پتہ ہونے کے باوجود سب نے الزام تراشی کی، عمران خان سے اپیل ہے سیاست ضرور کریں مگر جھوٹ نہ بولیں، ہم پر الزامات نہ لگائیں اور نہ ہی غلط بیانی سے کام لیں۔ نگراں وزیر اعلیٰ پنجاب محسن نقوی کا کہنا تھا کہ سیاست کر لیں لیکن لوگوں کو گمراہ نہ کریں،اگر آپ سمجھیں گے کہ میں پریشر میں آ جاؤں گا تو ایسا نہیں ہونے والا، دھمکیوں، گالم گلوچ، ٹوئٹ کے آگے سرنڈر نہیں کروں گا، تیس اپریل کو الیکشن ہوگا، ماحول کو خراب کرنے کی کوشش کی جارہی ہے جو غلط ہے، ۔ محسن نقوی نے تحریک انصاف پر ظل شاہ کے والد کو جھوٹا مقدمہ درج کرانے کےلیے ایک کروڑ کی آفر کا الزام لگاتے ہوئے کہا کہ ظل شاہ کے والد کو کہاگیا کہ ہم آپکو پیسے دیں گے آپ کھڑے رہیں۔ نگراں وزیراعلیٰ پنجاب کا کہنا تھا کہ کسی شہری کی ہلاکت کوئی معمولی بات نہیں، ملوث افراد کے خلاف قانونی کارروائی کی جائے گی،