الیکشن کمیشن نے پنجاب اسمبلی انتخابات کا شیڈول جاری کردیا

الیکشن کمیشن کی طرف سے پنجاب کی صوبائی اسمبلی انتخابات کےلئے جاری کردہ شیڈول کے مطابق ریٹرننگ آفیسر کی جانب سے پبلک نوٹس گیارہ مارچ کو جاری کیا جائے گا، جبکہ کاغذات نامزدگی بارہ سے چودہ مارچ تک جمع کرائے جاسکیں گے، الیکشن کمیشن کے مطابق امیدواروں کی ابتدائی فہرست پندرہ مارچ کو جاری کی جائے گی، امیدواروں کے کاغذات نامزدگی کی اسکروٹنی بائیس مارچ تک کی جائے گی،امیدواروں کے کاغذات نامزدگی کے خلاف اعتراضات تین اپریل تک دائر کئے جا سکیں گے، شیڈول کے مطابق ریٹرننگ آفیسر امیدواروں کی حتمی فہرست چار اپریل کو جاری کرے گا، امیدوار پانچ اپریل تک اپنے کاغذات نامزدگی واپس لے سکیں گے، جبکہ ریٹرننگ آفیسر چھ اپریل کو امیدواروں کو انتخابی نشان الاٹ کرے گا، پولنگ تیس اپریل کو ہوگی