پارلیمنٹ میں اقلیتوں کی نشستوں میں اضافے کا مطالبہ،سپریم کورٹ میں درخواست دائر

شہری البرٹ ڈیوڈ کی جانب سے سپریم کورٹ میں دائر کی گئی درخواست میں وفاقی حکومت، الیکشن کمیشن اور چیف مردم شُماری کمشنر کو فریق بنایا گیا ہے، درخواست میں عدالت سے استدعا کی گئی ہے کہ نئی مردم شُماری اور اقلیتوں کی آبادی کے مطابق نشستوں میں اضافے تک انتخابات روکے جائیں،قانون کے مطابق اقلیتوں کو پارلیمنٹ میں تناسب کے مطابق نشستیں دی جائیں، درخواست میں موقف اختیار کیا گیا ہے کہ 2017ء کے بعد سے شہری اور دیہی آبادی میں غیر معمولی فرق آیا ہے، موجودہ مردم شُماری پر انتخابات کرانے سے عوام کے حقیقی نمائندے منتخب نہیں ہوسکیں گے۔