چیف الیکشن کمشنر نے مشاورتی اجلاس کل طلب کر لیا

اجلاس سوموار کو صبح ساڑھے نوبجے الیکشن کمیشن میں طلب کیا گیا،اجلاس میں صدر کے بلائے گئے اجلاس میں شرکت کرنے یا نہ کرنے سے متعلق حتمی فیصلہ بھی کیا جائے گا، ذرائع کے مطابق صوبوں کے انتخابات سے متعلق صدر مملکت سے مشاورت غیر آئینی اور غیر قانونی ہے اور آئین کے تحت صوبوں کے انتخابات کے لیے صدر مملکت سے مشاودت نہیں کی جا سکتی ۔آئین کے تحت صوبوں میں انتخابات سے متعلق صرف گورنرز سے مشاورت کی جا سکتی ہے، ذرائع الیکشن کمیشن کا کہنا ہے کہ الیکشن کمیشن کی قانونی ٹیم کی صدر کے اجلاس میں شرکت نہ کرنے کی تجویز دی گئی ہے اور کہا گیا ہے کہ الیکشن کمیشن کی صدر سے مشاورت غیر قانونی اور غیر آئینی ہو گی۔دوسری جانب الیکشن کمیشن ذرائع نے بتایا کہ صدر مملکت کو دوسرے خط کا بھی جواب دینے کا فیصلہ کیا ہے الیکشن کمیشن کل صدر مملکت کو دوسرے خط پر بھی جواب بھجوائے گا