دیامر مسافر بس اور کار کھائی میں گر گئیں،تیس افراد جاں بحق

پولیس حکام کے مطابق مسافر بس اور کار کے درمیان حادثہ شتیال میں پیش آیا تصادم کے نیتجے میں مسافر بس اور کار کھائی میں گر گئیں۔حادثے میں تیس افراد جاں بحق ہوگئے ، نعشوں کو آر ایچ سی اسپتال منتقل کردیا گیا ہے۔ ریسکیو حکام کے مطابق جائے حادثہ پرامدادی کارروائیاں جاری ہیں لیکن اندھیرےکی وجہ سے مشکلات درپیش ہیں۔ پولیس حکام کے مطابق مسافر بس گلگت سے راولپنڈی جارہی تھی جبکہ کار گلگت جا رہی تھی۔ صدرمملکت ڈاکٹر عارف علوی اور وزیراعظم شہباز شریف نے ٹریفک حادثے پر افسوس کا اظہار کیا ہے۔وزیراعظم نے زخمیوں کو ہر ممکن طبی امداد فراہم کرنے کی ہدایت جاری کر دی ہے۔