تین ایئر پورٹس کے آپریشنز آوٹ سورس کرنے کا فیصلہ کر لیا گیا،وفاقی وزیر خواجہ سعد رفیق |
|
هفته 07 جنوری 2023ء | |
لاہور میں نیوز کانفرنس سے خطاب کرتے ہوئے وفاقی وزیر خواجہ سعد رفیق کا کہنا تھا کہ ریلوے کے نظام کو بہتر بنانے کی کوشش کر رہےہیں،سیلاب سے متاثرہ ریلوے نظام کو بحال کردیا ہے وفاقی وزیر کا کہنا تھا کہ حکومت نے 3 ایئر پورٹس کے آپریشنز آوٹ سورس کرنے کا فیصلہ کیا ہے ، کسی ایئرپورٹ کی نجکاری نہیں کررہے۔ ایئر پورٹس نجکاری کے حوالے سے منفی پراپیگنڈہ کیا جا رہا ہے۔ خواجہ سعد رفیق کا کہنا تھا قومی ایئر لائن پر دباؤ ہے اور پی آئی اے مدتوں سے بیمار ادارہ ہے۔ نئے روٹس کھلیں گے تو ٹکٹوں کی قیمتیں بھی نیچے آجائیں گی۔ وفاقی وزیرکا کہنا تھا کہ قومی ایئر لائن کے لئے مزید بین الاقوامی روٹس کھلوانے کی کوشش کر رہے ہیں ، کراچی ایئر پورٹ کی گنجائش کو بہتر کےلئے کوشاں ہیں جبکہ ملک میں بہترین آپریٹرز لانے کی کوشش کر رہے ہیں ۔ |