بھارتی ریاست کیرالا میں سابق وزیر اعظم پاکستان بے نظیر بھٹو کی تصاویر کے پوسٹرز،بی جے پی کارکن سیخ پا

۔ بھارتی میڈیا رپورٹ کے مطابق کیمونسٹ پارٹی آف انڈیا کے خواتین ونگ، آل انڈیا ڈیموکریٹک ویمنز ایسوسی ایشن کے زیراہتمام نیشنل کانفرنس کے حوالے سے دارالحکومت کے تمام اہم مقامات کی دیواروں پر لگائے جانے والے پوسٹرز کے لیے بینظیر بھٹو کی تصویر لگائی گئی ہے،اور کانفرنس کے دعوت نامے پر بھی سابق وزیراعظم بے نظیر بھٹو کا فوٹو استعمال کیا گیا ہے۔ بے نظیر کے پوسٹرز پر بے جے پی کے کارکنوں نے پورے شہر میں ہنگامہ کھڑا کر دیا ہے،بی جے پی کی طرف سے پوسٹرز لگانے والی تنظیموں کو شدید تنقید کا سامنا ہے۔ بی جے پی رہنما سندیپ واشسپتی نے تنقید کرتے ہوئے کہا کہ بینظیر دشمن ملک کی سابق وزیر اعظم تھیں جنہوں نے بھارت کو نقصان پہنچانے میں کوئی کسر اٹھا نہ رکھی، جو لوگ دشمن کی عزت کرتے ہیں اور انہیں پوجتے ہیں وہ بھی اس ملک کے دشمن ہیں۔