بیرون ملک موجود پی ٹی آئی کے ارکان پنجاب اسمبلی کو پاکستان پہنچنے کی ہدایت

وزیراعلیٰ پنجاب کے اعتماد کا ووٹ لینے کا معاملہ،پاکستان تحریک انصاف نے بیرون ملک دوروں پر موجود ارکان پنجاب اسمبلی کو فوری واپس پاکستان آنے کی ہدایت کر دی پاکستان تحریک انصاف کے ذرائع کے مطابق وزیر اعلیٰ پنجاب کے اعتماد کے ووٹ کے حوالے سے صوبائی اسمبلی کے بیرون ملک گئے ارکان اسمبلی کو فوری طور پر واپس آنے کی ہدایت کی گئی ہے،ذرائع کے مطابق پی ٹی آئی کی رکن اسمبلی شمسہ علی دبئی ، وسیم خان بادوزئی برطانیہ میں ہیں،جبکہ رکن اسمبلی نیاز گشکوری عمرہ کی ادائیگی کےلئے گئے ہیں جن کی جلد واپسی متوقع ہے۔ پی ٹی آئی ذرائع کے مطابق بیرون ملک موجود پی ٹی آئی کے ارکان پنجاب اسمبلی آئندہ دو سے تین دنوں میں وطن واپس آجائیں گے