وفاقی حکومت نے ایڈیشنل ڈی جی آئی بی فواد اسد اللہ کی خدمات مزید ایک سال کےلئے حاصل کرلیں

وفاقی حکومت نے ایڈیشنل ڈی جی انٹیلی جنس بیورو فواد اسد اللہ کی خدمات مزید ایک سال کےلئے حاصل کرلیں،صدر مملکت نے بعد از ریٹائرمنٹ ایک سال کی کنٹریکٹ ملازمت کی منظوری دے دی تفصیلات کے مطابق وزیراعظم کی ایڈوائس پر صدر مملکت عارف علوی نے ایڈیشنل ڈائریکٹر جنرل انٹیلی جنس بیورو فواد اسد اللہ کی بعد از ریٹائرمنٹ کنٹریکٹ پر ایک سال کی مزید ملازمت کی منظوری دے دی ہے،فواد اسد اللہ خان گریڈ بائیس کے آفیسر ہیں اور اٹھارہ دسمبر دوہزار بائیس کو ریٹائر ہورہے تھے،صدر مملکت نے انیس دسمبر دو ہزار بائیس سے ایک سال کے کنٹریکٹ پر دوبارہ ملازمت کی منظوری دی ہے