سائفر آڈیو لیک معاملہ،ایف آئی اے انکوائری رکوانے کےلئے عمران خان نے عدالت سے رجوع کر لیا |
|
پیر 05 دسمبر 2022ء | |
سائفر آڈیو لیک معاملہ،ایف آئی نے طلب کیا تو انکوائری روکنے کےلئے کپتان نے عدالت سے رجوع کر لیا،درخواست میں وفاقی حکومت،ایف آئی اے اور تفتیشی افسر کو فریق بنادیا عمران خان کے وکیل کی طرف سے دائر درخواست میں مؤقف اپنایا گیا ہےکہ عمران خان ایماندار، باعزت شہری، ملک کی نامور شخصیت ہیں، عمران خان کی بڑھتی ہوئی شہرت سیاسی طاقتوں کیخلاف خطرہ بن چکی ہے۔ درخواست میں موقف اختیار کیا گیا ہے کہ ایف آئی اے نے سائفر میسج کے معاملے پر انکوائری شروع کر رکھی ہے اور اس معاملے پر بیان قلمبند کروانے کیلئے 6 دسمبر کو طلب کیا ہے، سائفر انکوائری کو پہلے ہی سپریم کورٹ میں چیلنج کر رکھا ہے، اب میرے موکل کوسیاسی انتقام کا نشانہ بنایا جا رہا ہے۔درخواست میں وزیر آباد حملے کو بھی سیاسی انتقام کا شاخسانہ قرار دیا گیا ہے درخواست میں موقف اپنایا گیا کہ طلبی نوٹس میں کسی قانون کی پاسداری نہیں کی گئی۔عمران خان کی درخواست میں سائفر آڈیو لیک اسکینڈل کی انکوائری کو غیر قانونی قرار دے دیتے ہوئے کالعدم کرنے اور انکوائری روکنے کی استدعا کی گئی ہے۔ |