ویڈیو لیک معاملہ،اعظم سواتی کا عدم تعاون،خصوصی کمیٹی تحلیل کر دی گئی

پی ٹی آئی سینیٹر اعظم سواتی کی مبینہ ویڈیو لیک کی تحقیقات کے معاملے پر سینیٹر اعظم سواتی کے عدم تعاون کے باعث سینیٹ کی خصوصی کمیٹی تحلیل کر دی گئی حساس اداروں کمیٹی کو بتایا کہ مبینہ ویڈیو جعلی ہے جو مختلف پارٹس کو جوڑ کر بنائی گئی کمیٹی اراکین نے اعظم سواتی کے عدم تعاون پر خدشات کا اظہار بھی کیا اعظم سواتی کی مبینہ وڈیو کے معاملے پر بنائی گئی خصوصی کمیٹی کا اجلاس کنوینر سینیٹر مولانا عبدالغفور حیدری کی صدارت میں ہوا۔ اجلاس میں اعظم نزیر تارڑ، شفیق ترین، مشتاق احمد، سلیم مانڈوی والا نے شرکت کی۔ اجلاس میں آئی ایس آئی، ایف آئی اے، وزارت داخلہ اور آئی بی کے حکام شریک ہوئے جبکہ سینیٹر اعظم سواتی سمیت پی ٹی آئی کا کوئی رہنما اجلاس میں شریک نہیں ہوا۔ ذرائع کے مطابق سینیٹ کی اسپشل کمیٹی تحلیل کرنے کا فیصلہ کرلیا گیا،، اسپشل کمیٹی سینیٹر اعظم سواتی کے عدم تعاون کے باعث تحلیل کرنے کا فیصلہ کیا گیا۔ ذرائع کا مذید کہنا ہے کمیٹی اپنی رپورٹ مرتب کرکے چیئرمین سینیٹ کو ارسال کرےگی۔ کنونئیر عبدالغفور حیدری کا کہنا ہے اعظم سواتی صاحب کے کہنے پر کمیٹی اجلاس بلایا مگر وہ آج بھی نہیں آئے،کنوینیر خصوصی کمیٹی عبدالغفور حیدری نے میڈیا سے گفتگو میں کہا کہ سینیٹر اعظم سواتی کی عدم شرکت پر کمیٹی اراکین نے متفقہ رائے دی ہے کہ متفقہ طور پر ہی کمیٹی تحلیل کرنے کا فیصلہ کیا ہے جبکہ کمیٹی کی رپورٹ چیئرمین سینیٹ کو پیش کی جائے گی