روسی صدر ولادی میر پیوٹن نے قرآن پاک کو سینے سے لگا لیا

بین الاقوامی میڈیا کے مطابق روسی صدر نے داغستان میں روس کی سب سے قدیمی مسجد کا دورہ کیا۔ صدر پیوٹن نے مسجد کادورہ سویڈن میں عید الاضحیٰ کے موقع پر قرآن مجید کی بے حرمتی کے اگلے دن کیا۔ روسی صدر نے دورے کے دوران داغستان کے مسلمان رہنماؤں سے ملاقات کی۔ روسی صدر ولادی میر پیوٹن کا کہنا تھا کہ ‘روس میں قرآن مجید کی بے حرمتی جرم ہے۔ بعض ممالک میں قرآن پاک کی بے حرمتی کو جرم کے طور پر نہیں دیکھا جاتا لیکن روس میں ایسا ہرگز نہیں۔ روس کے آئین کے مطابق یہ جرم ہے۔’ ولادی میر پیوٹن نے تحفہ دینے پر مسلمان نمائندوں کا شکریہ ادا کرتے ہوئے کہا کہ ہم ہمیشہ اصولوں کی پابندی کریں گے۔ قرآن مجید مسلمانوں کے لیے مقدس ہے اور دوسروں کیلئے بھی مقدس ہونا چاہیے۔ واضح رہے کہ سویڈن میں پولیس نے شہری کو عید کے دن مرکزی جامع مسجد کے باہر مظاہرے کی اجازت دی تھی۔ مظاہرے کے بعد مذکورہ شخص نے قرآن مجید کی بے حرمتی کی۔ سویڈن میں قرآن پاک کی بے حرمتی پر پاکستان، ترکیے، مراکش، اُردن اور متحدہ عرب امارات سمیت دیگر مسلم ریاستوں نے واقعے کی شدید مذمت کی گئی۔